Transcription
1
Monseigneur, ayant entendu que ung Blay plan aultrement
2
dict Bayart est prisonier à Valence, ayant esté
3
pris en quelque revolte par votre gendarmerie. Est cause
4
que incontinent avons depeché ce present porteur à votre
5
seigneurie. Pource que s’estant rendu le dit Plan huguenot
6
depuys quelque temps en ca, nous avons sceu
7
par gens dignes de foy qu’il avoyt intelligence
8
de tradiment, tant sur ce lieu de Visan que de
9
Tulete. Ce que nous faict croire pource qu’il allet
10
et venet en ce lieu de Visan ordinerement sans
11
y avoir aultre affere, mesmes le jour devant
12
qu’il fist descouvert. Il avoyt sejourné icy.
13
Et pource que nous sommes informes qu’il y en a
14
icy de complices qui conspiroyent tradiment
15
avec luy, ce que [rature] pouvons bien veriffié sans
16
sa depposition, dont supplions treshumblement
17
votre seigneurie nous vouloyr fere ce bien que de le
18
fere ouyr sur ce faict, luy fesant son proces
19
affin que les meschans treistres proditeurs
20
de la patrie soyent descourtz et punis. Ce
21
fesant feres singulier plaisir à monseigneur le
22
cardinal d’Armaignac et grandissime bien à notre
23
commune. Que piera incessement dieu vous
24
donner,
25
monseigneur, et grandeur et bonne santé, longue et
26
tresheureuse vie, de Visan, ce 20 mars 1574
27
Votre à vous fere treshumble
28
tresobeissant et perpetuel service
29
Palans consul de Visan